準備篇
準備文件
exchange的報名程序就非常簡單，然而準備工夫就一大餐，故此建議有意exchange的同學最好係報exchange前半年，甚至一年前就要安排exchange事宜，同時有幾樣東西大家一定一定要多加準備：
1. 成績:
由於exchange offer的甄選多以成績為先，首先準備的當然係你的GPA!! 就好似CU OAL考慮的成績除左報exchange果個sem外，亦會計算之前semester的GPA (例如小人就係yr2報exchange，CU考慮的就會係Yr2 Sem1和 Yr1 whole year的GPA)，所以如果你有意欲去exchange，cgpa一定不能太低，通常不可以低於3.0，咁至於實際上gpa要幾高？呢樣就視乎你想到咩洲份咩國家，當然仲要睇大學名氣，普遍來講英國的大學收分最高(cgpa 3.7亦不為過)，其次就是加拿大、澳洲同歐洲，跟著就是亞洲，至於美國，由於有很多校園可供選擇，而且大學排名亦非常參差，故難以一概而論。一般cgpa在3.3左右已經有唔少大學選擇。
2. IELTS(看情況):
IELTS係英國的一個英文考試（廢話!=o=），包括聽說讀寫四項，各項以9分為滿分，最後會給予一個總分，同樣以9分為滿分，而考試目的係向exchange的大學證明自己的英語能力，大多以英語為母語的國家，或以英語授課的大學都會要求同學先考IELTS,總分通常不能低於6.5，而聽說讀寫四項中每項不能低於6.0，部分有名氣的老牌大學，如英國KCL或美國UC Berkeley甚至要求各項目和總分都不能低於7分，至於IELTS難度…..則因人而異啦，大多香港學生的總分都至少有6-6.5分既…另外，由於報exchange果陣OAL會要求你呈上IELTS成績表(當然遲D再補交亦可)，所以同學最好在報名前就先考IELTS.
3. 錢:
世上最實際的當然係錢$$$!!!由於exchange開支都幾嚇人（不要對scholarship期待太多…），故此大家即使未報exchange，仍適宜先做part time job儲錢，當然你係「成功需父幹」type的話，小人則無話可說。
報名程序
談完要準備的事項，接下來就簡介一下報名程序，詳情可參閱CU OAL的網頁，下列係中文版的summarize:
1. 報名：
大約係10月的時候，同學就可以在CUSIS提交online application form，大約10月底就會截止，而每人最多可提交10間exchange的大學，排序此時並不重要，有提交申請表即可~OAL會在11月初通知你是否合適報exchange，部分成績唔太好的同學可能在呢個步驟已被kick out。另外，要想提交申請表，就先要兩位CU教職員作推薦，大家唔需太過在意，放膽問lecture教授即可。
2. Interview:
在11月中至12月初，OAL會通知及安排你出席面試，面試直接影響你exchange composite score，分數可加亦可減，如果同學對interview欠缺信心，則可以申請exempt interview，咁exchange composite score就只會計cGPA，條件同樣係搵兩位CU教職員填一張推薦表格，同上，大家唔需太過在意，放膽問lecturer即可 (當然你課堂表現唔能夠太差啦=o=)。
3. 結果：
Interview(如有)後，OAL會同你講你的composite score，以及係眾多同學中排行第幾，然後你就可以再將exchange的大學排序，此時次序就非常重要!大約次年1月就會出第一輪result；至於第一輪no offer既話又唔洗咁灰既，因為仲會有第二輪offer，當然程序就頗有分別，小人亦不太清楚，詳情可閱CU OAL
Website~
